Депутаттар мен дәрігерлер алматылықтарды вакцина алуға шақырады

Қазақстанда үнді коронавирус штаммы табылды. Үндістанда алғаш рет анықталған «Дельта» штаммының таралуы тез және анықталған штамдарға қарағанда 60% жұқпалы, 7 күнге дейін қысқа инкубациялық кезеңмен сипатталады. Бұл ретте, Президент Қ.К.Тоқаев бірқатар өңірлердің әкімдерін қабылдау барысында халықты вакцинациялау қарқынын арттыру қажеттігі туралы мәлімдеді.

Алматыда дәрігерлер коронавирустық инфекцияға қарсы ахуалды тұрақты деп бағалайды. Алайда вирус мутацияға ұшырап, оның штамдары қауіпті болуда, деп хабарлайды Almaty.tv

Сонымен бірге, дәрігерлер вакциналар коронавирустың жаңа штамдарына, соның ішінде қазір елде таралған ең қауіпті–үнді штаммына қарсы тиімді деп мәлімдейді.

«Қалалық денсаулық сақтау басқармасы аурудың таралу қарқынын бәсеңдету үшін барлық мүмкін шараларды қабылдауда, өйткені инфекцияның жоғарылауымен қаланың да, бүкіл елдің де денсаулық сақтау саласына жүктеме күрт артады. Дәрігерлер аянбай еңбек етуде. Қазір олардың жауапкершілігінде мыңдаған адам бар. Коронавирус өзінің құрылымын өзгертіп, мутацияға ұшырайды және бұл жағдайда жақындарының денсаулығы әр азаматтың өмірінде маңызды рөл атқарады. Біз бұл дертті адамдардың барынша көп санын вакцинациялау арқылы ғана қол жеткізе аламыз»,– деп атап өтті депутат, №5 қалалық клиникалық аурухананың бас дәрігері Болат Садықов.

Депутат Әсия Ақанованың айтуынша, қазір ақпарат көзі молырақ және көптеген вакцинация пункттері жұмыс істейді.

«Өз басым, білімі бойынша дәрігер бола тұра, ақпан айында вакцина алдым. Біздің арамызда саналы және парасатты алматылықтар көп болсын. Вакцинация арқылы сіз өзіңізді қорғап қана қоймай, айналаңыздағы адамдарға да қорғаныс бересіз. Эпидемиолог-дәрігерлердің пікірінше, пандемияны тоқтату үшін халықтың шамамен 60-70% вакцинациядан өтуі тиіс, дәл сол кезде ұжымдық иммунитет қалыптасады»,– деп түйіндеді депутат, «Медицина» мамандығы бойынша PhD Әсия Ақанова.