Алматылық ғалым коронавирусқа қарсы қандағы антиденелерді тексеру тиімсіз деп санайды

Қазіргі індетпен тез күресудің  жалғыз жолы – кең көлемді  жеделдетілген вакцина. Бұл туралы Өңірлік коммуникациялар қызметінде өткен баспасөз конференциясында Қазақстанның Профилактикалық медицина академиясының президенті Алмаз Шарман мәлімдеді, деп хабарлайды Almaty.tv.

Ол халыққа ағзадағы антиденелердің болуы немесе болмауы туралы алаңдамауы керек екенін айтты. Өйткені коронавирустан қорғауға мүлдем басқа иммундық жасушалар жауап береді. 

Ғалым инфекциядан кейін жасушалық иммунитеттің  қарқындылығын тексеру  қиын деп санайды.

"Біз иммундық жасушаларды  "жад жасушалары" деп атаймыз.  Бұл Т лимфоциті мен  В лимфоциттері, негізінен сүйек кемігінде шоғырланған, оған жету үшін  маңызды медициналық процедураны өткізу қажет. Дегенмен, мұндай зерттеулер салыстырмалы түрде жақында жүргізілді. Осыдан 2 ай бұрын коронавирус инфекциясын жұқтырған, содан кейін вакцина алған 70-тен астам адамға зерттеу жүргізілді. Бұл зерттеулер жасушалық деңгейде мүмкін болатын иммундық қорғаныс 12 айға дейін немесе өмір бойы жеткілікті екенін көрсететін қызықты нәтижелер береді", – деді А. Шарман.

Бұл өте қызықты зерттеу жұмысы және ғалымның пікірінше, антиденелерді анықтау көбінесе тиімсіз. Өйткені негізгі иммундық қорғаныс жасушалық деңгейде. Вакцина жасушалық иммунитетті он есе арттыруға мүмкіндік береді. Бұрын бақылау қиын болған, бірақ зерттеулердің арқасында отандық ғалымдар осындай маңызды тұжырымдарға ие болды.

А. Шарманның айтуынша, вакцинадан бұрын вирусқа қарсы антиденелерге талдау жасаудың мағынасы жоқ. Негізінен аурудан кейін және вакцинадан кейін иммундық жауап жасушалық деңгейде дамиды.

"Антиденелер белгілі бір рөл атқарады, олар иммундық жүйенің "сарбаздары" ретінде сіздің ауырып қалуыңыздың немесе вакцинаның көрсеткіші болуы мүмкін. Бірақ шынын да нақты қорғаныс жасушалық деңгейде өтеді", – деді  А. Шарман.

Ғалым коронавируспен ауырып, вакцина алған адамдарда жасушалық деңгейде иммундық қорғаныс он есе артатынын айтты. Бұл өте тиімді қорғаныс әдісі.