|
23.05.2024 | 16:59
3797

Алматыда көліктерін тұраққа дұрыс қоймаған 10 мыңға жуық жүргізуші жазаланды

Тескеріс барысында тұрғындардан түскен дабыл ақпараттарға басымдық беріледі

Алматыда көліктерін тұраққа дұрыс қоймаған 10 мыңға жуық жүргізуші жазаланды Polisia.kz

Алматыда көліктерін тұраққа дұрыс қоймаған 10 мыңға жуық жүргізуші жазаланды, деп хабарлайды Аlmaty.tv тілшісі Polisia.kz-ке сілтеме жасап.

Алматыда көліктерді тұраққа қою ережелерін бұзу деректерін анықтау жұмыстары жалғасып жатыр. Полицейлер эвакуаторлардың көмегімен заңсыз қойылған көлікті мамандандырылған айыппұл тұрағына жеткізеді.

– Жыл басынан бері автотұрақ ережесін бұзған 9963 адам жауапкершілікке тартылды. “Аялдауға тыйым салынады” және “Тұраққа қоюға тыйым салынады” белгілерімен белгіленбеген орындарға көлік қоятын жүргізушілерді анықтау мақсатында жергілікті жерлерде тұрақты түрде іс-шара жүргізілуде. Сонымен қатар алдыңғы шептегі бөлімшелердің қызметкерлері автобустардың жүруін қиындатып, кептелістің пайда болуына ықпал ететін қоғамдық көлік аялдамаларында көліктерді тұраққа қою сияқты өрескел заңбұзушылықтарды анықтауда және жоюда. Тәжірибе көрсеткендей, рейдтер мен іс-шараларды өткізу қаладағы көліктердің өткізу қабілетіне, жүргізуші тәртібі мен жүргізу мәдениетін арттыруға оң әсерін тигізеді, – деді Алматы қалалық ПД жергілікті полиция қызметі басқармасының бастығы Серік Шумаев. 

Жергілікті рейдтерді өткізу кезінде полицейлер жол қозғалысы ережелерін бұзу туралы хабарлаған мүдделі азаматтардың сигналдарын белсенді пайдаланады. 

– Қаламыздың тағдырына бей-жай қарамайтын осындай белсенділерге алғысым шексіз. Сондай-ақ, барша азаматты жол қозғалысы ережелерін қатаң сақтауға шақырамыз. Заңды және тәртіпті сақтауды өзімізден бастау керек, сондықтан заңға бағыну өте маңызды, бұл қаладағы жол қауіпсіздігін қамтамасыз етуге зор үлесімізді қосуды білдіреді, – деді Шумаев.

Оқи отырыңыз: Алматыда қоғамдық көлік саны артпақ

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир