Алматы қаласының әкімі Ерболат Досаев православ христиандарын дәстүрлі Пасха мерекесімен құттықтады, деп хабарлайды Аlmaty.tv.
- Құрметті алматылықтар!
Сіздерді Пасха мерекесімен шын жүректен құттықтаймын!
Осынау жарқын мерекені Алматы тұрғындары да православ христиандармен бірге дәстүрлі түрде жоғары деңгейде атап өтеді. Бұл адамзаттың асыл құндылықтарының бірі – бейбітшілік пен келісімге негізделген қоғамымыздың бірлігін ерекше көрсететін игі дәстүрге айналды.
Пасха – мейірімділікті, бейбітшілікті, әділдікті дәріптеп, халықты қайырымдылық жасауға, жақындарына жанашыр болуға шақыратын киелі мейрам.
Қасиетті мереке әр шаңыраққа шаттық пен қуаныш сыйлап, сүйікті қаламыз Алматы мен туған еліміз Қазақстанның одан әрі өркендеп, дамуы үшін жаңа жетістіктер мен толайым табысқа бастасын!
Баршаңызға ашық аспан, зор денсаулық, бақ-береке тілеймін!
Ізгі ниетпен,
Алматы қаласының әкімі Ерболат Досаев.
Оқи отырыңыз: Алматыда Жеңіс күніне орай қандай іс-шаралар өтеді