Алматының Наурызбай ауданында биылғы наурыз айының соңына дейін көлік саны 27 жаңа автобусға артады, деп хабарлайды Аlmaty.tv.
4 бағытта интервалдарды қысқарту және жайлылықты арттыру үшін (№16, 50, 118, 126) Наурызбай ауданында жергілікті бюджет есебінен ағымдағы жылдың наурыз айының соңына дейін барлық жылжымалы құрамды саны 27 бірлікке ұлғайып, жаңа автобустарға ауыстыру жоспарлануда. Бұл туралы Алматы қаласының әкімі Ерболат Досаев аудан тұрғындарымен кездесу барысында мәлімдеді.
Сонымен, автобустардың саны 67-ден 94 бірлікке дейін артады. Өткен жылы Наурызбай ауданында көліктік қызмет көрсету сапасын арттыру мақсатында 6 жаңа бағыт ұйымдастырылды (№49, 136, 230, 236, 244, 247) жалпы саны 68 автобуспен 9 бағыттың құрамы жаңартылды және ұлғайтылды (№4, 15, 47, 53, 95, 112, 119, 128, 212) - 147-ден 178-ге дейін.
"3 бағыт 6 автобуспен күшейтілді (№14, 27, 55) және 9 жаңа аялдама кешені орнатылды. Осы мақсатта 246 жаңа автобус сатып алынды", - деді Ерболат Досаев.
Сонымен қатар, Алматы әкімінің айтуынша, Наурызбай ауданында қосымша 37 "Сергек" кешенін (148 камера) және 900 бейнемониторинг жүйесінің камераларын орнату жоспарлануда. Өткен жылы 19 "Сергек" кешені (76 камера) орнатылды.