Нұр-Сұлтан қаласы коронавирустың таралу көрсеткіші бойынша "қызыл" аймақтың шекарасына таяп тұр, деп хабарлайды Almaty.tv тілшісі zakon.kz-ке сілтеме жасап.
Эпидемиологиялық жағдайды бағалау матрицасына сәйкес, 22 желтоқсанда Атырау облысы ғана "қызыл" аймақта орналасқан. Елорда "сары" аймақта дегенмен, соңғы күндері мұнда КВИ жұқтырушылар саны артып барады.
Сондай-ақ "сары" аймақта Ақмола, Қостанай, Павлодар, Солтүстік Қазақстан облыстары орналасқан.
Одан өзге еліміздің басқа өңірлері "жасыл" аймақта деп саналады.
Елорда 10 желтоқсанда "қызыл" аймаққа енген. 18 желтоқсанда COVID-19 көрсеткіші бойынша Нұр-Сұлтан "жасыл" аймаққа оралған еді.