Алматы полициясы бақылау-өткізу пунктеріндегі жағдайды бейнекамералардың көмегімен бақылап отыр, деп хабарлады Almaty.tv тілшісі Polisia.kz сайтына сілтеме жасап.
Алматыда карантин жарияланып, ел ішінде төтенше жағдай енгізілгеннен бастап Полиция департаментінің қызметі мен бөлімшелерінің құрамы күшейтілген тәртіппен жұмыс істеуге көшті.
«Қорғаныс министрлігінің мыңға жуық әскери қызметшілері карантин аймағында құрылған 27 бақылау-өткізу пунктерінде қызмет етеді. Сонымен қатар, инфекция ошақтары мен медициналық мекемелерді қоршауға алу туралы шаралар қабылданды. 150-ге жуық полиция қызметкері мен Ұлттық ұланның жауынгерлері тәулік бойы қызмет етеді. Әр бекетке департаменттің орталық штабына шығатын «Сергек» камералары орнатылды. Ғаламтордағы трафик бақыланады, көліктердің келуі және кетуі, посттардың жанында заңсыз әрекеттер анықталады. Олар және дереу тоқтатылады», – деді Алматы қалалық полиция департаментінің басшысы, полиция полковнигі Қанат Таймерденов.
Сондай-ақ, қаланың полиция басшысы карантин кезеңінде халықпен кері байланыс қалай құрылғанын айтты.
«Бұрын хабарланғандай, Алматыда карантин енгізілген уақыттан бастап полиция Департаментінде Call-орталық құрылды. Мақсаты – өткізу режиміне қатысты және заңдылықты сақтау туралы ең өзекті сұрақтарға жауап беру. Орташа алғанда, көп арналы нөмірге күніне 4 мың телефон қоңырауы түседі. Азаматтардың көпшілігін қалаға кіру-шығу шектеулері қызықтырады, ал кейбір қоңырау шалушыларға кеңес немесе қолдау қажет және олар оны алады. Сонымен қатар, ПД Жедел басқару орталығына жұмыс күндері 2 мыңға дейін телефон қоңырауы түседі. "102" нөміріне телефон шалғандардың үштен бірі анықтамалық сипаттағы ақпаратты алады. Сервис операторлары екі ауысымдық режимде жұмыс істейді. Басқарма офицерлері барлық күш-жігерлерін жинап тәулік бойғы ауысымға шығады», – деді полковник Таймерденов.