Димаш Құдайбергенов туралы деректі фильм әншінің YouTube-каналында жарияланды, деп хабарлайды Almaty.tv тілшісі Baq.kz-ке сілтеме жасап.
Деректі фильмде сирек кездесетін архивтік кадрлар мен Димашқа ән әлемінде тәлім берген педагогтердің пікірі бар.
Аталған фильмде әншінің өнер жолын жетік білетін жандар Димаштың алдында қандай қиындықтар туындағанын әңгімелейді. Ал әнші әр биікті бағындырғандағы жан толқынысын айтып береді.
Димаш Құдайберген 24 мамырда туған күнін атап өтті. Әлемнің түкпір-түкпіріндегі тыңдармандары әншіге тосынсый жасады. Мәселен, Қытайдағы жанкүйерлер зәулім ғимараттың бірінде Димаш туралы бейнеролик қойған.