Белгілі қазақстандық актер Фархат Әбдірайымов қайтыс болды, деп хабарлайды Almaty.tv.
«Грузияда фильм түсірілім кезінде қазақстандық актер және жақсы адам Фархат Әбдірайымов қайтыс болды. Ол қаңтарда 55 жасқа толған еді», – делінген Kozachkov offside Телеграмм-арнасында. Бұл ақпаратты ҚР СІМ баспасөз қызметі растады. «Алдын ала ақпарат бойынша өлімнің себебі – жүрек ұстамасы»,– деді ведомство қызметіндегілер. Фархат Әбдірайымов көптеген фильмде басты рөлдерді сомдаған талантты актер еді. Одан бөлек, жарнамаларда және шоуларда төбе көрсетті. Сонымен қатар, бірнеше рет жоғары марапаттар мен сыйлықтарға ие болды. Актердің кинокарьерасы 1994 жылы басталды. Ол «Шанхай», «Любовь под прикрытием», «Застава», «Фара», «Анажан», «Статья на двоих» сынды фильмдерге түскен.