Алматының Әуезов ауданында «Тең қоғам» мүгедектерді әлеуметтік қолдау ортылығының бөлімшесі ашылды, деп хабарлайды Almaty.tv.
Шағын филиалда мүмкіндігі шектеулі жандарға құқықтық және психологиялық көмек көрсетіледі. Бұл орталықтың басты мақсаты – мүгедек жандарға қолайлы орта қалыптастыру, өмірге бейімдеу. Алматыда құлағында мүкістігі бар 11 мыңнан аса адам тіркеуде тұр. Қалада олар үшін 2 мектеп жұмыс істейді.
«Мүгедектігі бар жандарға «Тең қоғам» деген жоба қажет. Себебі, бұл жерде мүгедектерге жақсы жағдай қасалған. Сапалы қызмет, психологиялық кеңес, арт терапияның бірнеше түрі қамтылған. Сондай-ақ заңгердің кеңесін тыңдап, жеке кәсіпті дамыту, қаржылай сауат, компьютер үйрету сынды дәріс алады», – деді Cаңырау мүгедектерді қолдау орталығының төрайымы Аманбике Ерғалиева.