Түркиядағы жер сілкінісі кезінде 4 қазақстандық жоғалып кеткен. Бұл туралы түрік елінің Қазақстандағы елшісі Уфук Экижих айтты, деп хабарлайды Almaty.tv.
Оның айтуынша, зілзаладан кейін жоғалған отандастарымызмен туыстары байланыса алмаған. «Astana Hub» технопаркінің халықаралық агенті Мирболат Құрмашев та іс-түссіз кеткендер қатарында бар. Туыстары оны соңғы рет әріптестерімен бірге Хатай қаласында қызмет бабымен жүргенін айтқан.
«Туыстары бізге жедел желіге хабарласты. Біз қазіргі таңда түрік тарапымен ақпаратты анықтап жатырмыз. Олардың айтуынша, Хатай қаласында болған. Сол жергілікті билік пен құтқарушылар тексеріп жатыр», – деді ҚР СІМ-нің ресми өкілі Айбек Смадияров.