ҚР Президенті Қасым-Жомарт Тоқаев «Хабар 24» телеарнасына берген сұхбатында Алматы қаласының атауының дұрыс айтылуына қатысты пікір білдірді, деп хабарлайды Almaty.tv.
«Алматы атауына келсек, не үшін құжаттарды қайта өзгертуіміз керек? Алматы атауы қазақтілді азаматтар үшін, ал Алма-Ата атауы орыс тілді азаматтар үшін ыңғайлы. Осы орайда былай деп келісейік, Алматы қаласының атауын сол күйінде қалдырайық. Ал қалай атайтыны әр адамның еркінде болсын. Мысалы, Қытай елінің астанасы Бейжің, ал біз оны Пекин деп атаймыз», – деді Қ. Тоқаев.