Токио Олимпиадасында еркін күрестен 57 келіге дейінгі салмақта қола медаль үшін кездесулер өтуде. Қазақстандық Нұрислам Санаев қола жүлдегер атанды, деп хабарлайды Almaty.tv тілшісі Olympic.kz-ке сілтеме жасап.
Ол кіші финалда болгариялық Георгий Вангеловті 5:1 есебімен ұтты. Қазақстандық балуан жартылай финалда Үндістан балуаны Рави Кумарға есе жіберген еді. Қола медаль үшін күресте Санаев намысты қолдан бермеді.
Бұл - қазақстандық балуандардың Токиодағы алғашқы медалі. Жалпы, Қазақстан қоржынында әзірге 6 қола медаль бар.