Алматыда ер адам жаяу жүргіншілерге арналған көпірдің үстіне шығып алды, деп хабарлайды Almaty.tv.
Оқыс оқиға Рысқұлов даңғылы мен Шемякин даңғылында орналасқан көпірде болған. Куәгерлердің айтуынша, ер адам жаяу жүргіншілер көпірінің жиегіне шыққан. Күнге күйген ер адамды жүргіншілер видеоға түсіріп, әлеуметтік желілер арқылы таратуда.
Оқиға орнына жеткен полиция қызметкерлері Рысқұлов даңғылының екі бағытын да жауып, құтқару шарасына белсенді қатысты. Кейін ер адамды төменге түсуге көндіріп, оны жедел жәрдемге салды.