Бүгін, 25 ақпанда шаңғы жарысынан жасөспірімдер арасындағы әлем чемпионатында қыздар мен ұлдар арасында классикалық жүріс бойынша дода өтеді, деп хабарлайды Almaty.tv.
ҰОК мәліметінше, қыздар 5 шақырым қашықтықта жүлделі орындарды сарапқа салады. Қазақстанның атынан Мария Геращенко, Елизавета Толмачева және Айша Рақышева жарыс жолына шығады.
Ұлдар арасында 10 км қашықтық бойынша үздіктер анықталады. Аталмыш додаға Қазақстан сапынан Ернұр Бексұлтан, Дидар Қасенов, Алмас Кәрімов, Ернар Нұрсбеков қатысады.