Ақмола полицейлері жоғалған Көкшетау қаласының 21 жастағы тұрғынын Алматы қаласына бара жатқан пойыздан тапқан, деп хабарлайды Almaty.tv тілшісі ҚазАқпаратқа сілтеме жасап.
«22 сәуірде облыстың аудандық полиция бөлімдерінің біріне мектепте оқытушылық практикадан өткен ақмолалықтың хабар-ошарсыз кеткені туралы хабарламамен жас мұғалімнің әріптесі жүгінді. Полицейлер хабар-ошарсыз кеткенді іздеуге бағытталған жедел-іздестіру іс-шараларының қажетті кешенін өткізді», — делінген хабарламада.
Қабылданған шаралардың нәтижесінде қыздың орналасқан жері оңтүстік астанаға баратын жолаушылар пойызында анықталды.
«Қыз болашақ жұбайының ата-анасының үйіне құдаларды жіберуге ниеті туралы хабар жеткізбек болған. Алайда ата-анасына апаратын жолға асығып бара жатып, ол пойызда болған кезде әріптестеріне хабар беруге тырысқан, бірақ ол ұялы желідегі ақауларға байланысты ешкіммен байланыса алмаған», — деп хабарлады Ақмола полицейлері.
Қызға қатысты ешқандай қылмыс пен құқықбұзушылық жасалмағаны анықталды.
Оқи отырыңыз: Алматыда жаңа алма бақтары пайда болады
