|
26.02.2020 | 19:54
9314

Алматыда Абай Құнанбаевтың поэзиясы мен музыкасына арналған кеш өтті

Салтанатты кешке Алматы қаласының әкімі Бақытжан Сағынтаев, зиялы қауым өкілдері, мәдениет қайраткерлері қатысты

Алматыда Абай Құнанбаевтың поэзиясы мен музыкасына арналған кеш өтті пресс-служба акима Алматы

Бүгін Алматыдағы Республика сарайында қазақтың ақыны, ойшылы және композитор Абай Құнанбаевтың туғанына 175 жыл толуына арналған поэзия мен музыка кеші өтті, деп хабарлайды Almaty.tv.  Салтанатты кешке Алматы қаласының әкімі Бақытжан Сағынтаев, зиялы қауым өкілдері, мәдениет қайраткерлері қатысты.

Ұйымдастырушылардың айтуынша, эссе-кештің мақсаты  – Абайдың мол мұрасын насихаттауға ерекше рең беру. Осы орайда поэзия мен музыка кешінде ойшылдың ілімі жаңа сипатта асқақтатылды.

Іс-шарада көрермендерге Хәкім Абайдың еңбектері ұсынылды. Хронология бойынша әзірленген эпизодтар поэзия, музыка және хореографиямен үйлесіп, бай мұраның сырын ашты. Кеште көрсетілген оқиғалар желісі Абай пейзаждарының суреттерінде көрініс тапты.

Айта кету керек, кеште көрерменге Абайдың қалыптасуы, даму кезеңдері көрсетілді. «Әлем есігі» прологынан бастау алған іс-шара жыл мезгілдеріне арналған өлеңдермен, ал балалардың биі күйдің сүйемелдеуімен орындалды.

Сондай-ақ, сахнада ақындық-музыкалық, хореографиялық қойылымдар, соның ішінде Абайдың махаббат лирикасы, табиғат сұлулығына арналған қойылымдары қойылды. Бұған дейін тек домбырада орындалып келген «Сегіз аяқ» әнін эстрада-симфониялық оркестрінің сүйемелдеуімен Нұржан Жанпейісов, Ерлан Рысқали, Тілек Базаров сынды әншілер орындады.

Айта кету керек, алғаш рет көрерменге Абай жазған қазақ әдебиетінің алғашқы балладасының әуеніне балет, хореографиялық миниатюра ұсынылды.

Кеш соңында залға жиылған қауым Абайдың «Көзімнің қарасы» әнін орындады. Сонымен қатар, кешке келген көрермендер белсенділік танытып, ұлы ақынның өлеңдерін жатқа оқыды.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир