25 қазан – әр отбасында тойлануы керек

Almaty.tv

«25 қазан – әр отбасында тойлануы керек». Белгілі актер Қайрат Әділгерей Республика күнінің ерекшелігін айтты.

«Республика күні, шынымен де, елдің Республика болып аталуының себебі ғой. Барлығы тәуелсіздіктің арқасы. Бұл күнді әр азамат күтетін жағдайда болуы керек. «Отан – отбасынан басталады» дейді ғой, бұл күн әр жанұяда тойлануы керек», – деді актер Қайрат Әділгерей.

29 қыркүйекте Президент Қасым-Жомарт Тоқаев «ҚР кейбір заңнамалық актілеріне кинематография мәдениет және мерекелер мәселелері бойынша өзгерістер мен толықтырулар енгізу туралы» заңына қол қойғанын еске сала кетейік.
Аталған заңға сәйкес 25 қазан ұлттық мереке – Республика күні, ал 16 желтоқсан мемлекеттік мереке – Тәуелсіздік күні болып қабылданды.