Мұсабек Жәнібек: Деректі фильм көзіме жас үйірді

Ұлттық тарихымызда Желтоқсан оқиғасының орны ерекше. Желтоқсан оқиғасының 35 жылдығына орай түсірілген «Желтоқсан – Ел Тәуелсіздігінің бастауы» атты деректі фильм көрерменнің көзіне жас үйірді. Бұл туралы Желтоқсан оқиғасына қатысқан Мұсабек Жәнібек айтты, деп хабарлайды Almaty.tv.

«Алматыда М. Әуезов атындағы драма театрында актер болып істеп жүргенімде әскерге алып кетті. Қайтып оралған соң, театрдағы өмірімді жалғастырдым. Сөйтіп жүргенде 1986 жылы ешкім ойламаған жерден Желтоқсан оқиғасы басталып кетті. Желтоқсан оқиғасының 35 жылдығына орай түсірілген деректі фильм өте жақсы шыққан екен. Көріп отырып, көзіме жас алып отырдым. Себебі басымнан өткен оқиғаның бәрі көз алдыма келді. Біздің қыздар – батыр қыздар ғой. Жылап, көмек сұраса да, қарсыласына төтеп бере алды. Мен сол кезде алаңнан Әлиялар мен Мәншүктерді көрдім. Жалпы, фильм толықтай оқиғаны ашып көрсетті», – дейді желтоқсаншы Мұсабек Жәнібек.