Қарағандыда облыстық төтенше жағдайлар департаменті басшысының орынбасары парамен ұсталды

Қарағандыда облыстық төтенше жағдайлар департаменті басшысының орынбасары Вадим Магамадов парамен ұсталды. Бұл туралы сыбайлас жемқорлыққа қарсы ұлттық бюроның қызметкерлері мәлімдеді. Азаматтық қорғаныс полковнигі кәсіпкерден 200 мың теңге пара алу кезінде ұсталған.  Тергеу барысында анықталғандай, күдікті өкілеттігін асыра пайдаланып, кәсіпорын нысандарында өрт қауіпсіздігі ережелерінің бұзылғаны үшін салынған айыппұлдың көлемін заңсыз төмендеткен. Сондай-ақ бұйрықтарды орындау мерзімін ұзартқаны үшін сыйақы алған.