Әбілязов пен оның сыбайластарына қатысты соталды тергеу аяқталды

Мұхтар Әбілязов пен оның Қазақстандағы сыбайластарына қатысты соталды тергеу аяқталды. Әрі Әблязов жымқырған қаражаттың халықтың зейнетақы жинағы екені дәлелденді. Бұл туралы Ұлттық бюро Сыбайлас жемқорлыққа қарсы іс-қимыл ұлттық бюросының баспасөз қызметі хабарлады.

Әблязовтың сыбайластарымен бірге жымқырған жалпы шығын сомасы - 7,5 миллиард АҚШ долларын құрапты. «Тергеуден жымқырылған қаражаттың халықтың зейнетақы жинағы екені, Қазақстан азаматтарының жеке жинағы екені және шетелдік қаржы институттарының қарызы екені нақтылы анықталды», - делінген Ұлттық бюроның хабарламасында. Еске сала кетейік, ақпанның 2-де ҚР Сыбайлас жемқорлыққа қарсы іс-қимыл ұлттық бюросы жауап алу үшін Мұхтар Әблязовті Астанаға шақырған болатын.