Меншікті өндіріс
Біз әлеуметтік желілердеміз
Алматыда көлікпен қарсы бағытта жүріп видео түсірген азамат кешірім сұрады
05.10.2018 15:41
Алматының әл-Фариби даңғылында жолдың қарама-қарсы бағытына шығып, видео түсірген азамат ел алдында кешірім сұрап, видео-үндеу жолдады деп хабарлайды Almaty.tv тілшісі қалалық Ішкі істер департаментіне сілтеме жасап.
Жігіт бірден бес жол ережесін бұзған екен. Ол енді 6 айға жүргізуші құжатынан айырылуы мүмкін.
Полицейлер 20 жастағы жүргізушінің кешірім сұраған сәтін видеоға түсіріп алған.
«Құрметті, отандастар! Өзімнің кінәмді мойындай отырып, әл-Фараби көшесі бойындағы қылығым үшін кешірім сұраймын. Енді ешқашан бұл ісімді қайталамаймын. Өзгелерге қайталамауға кеңес беремін», – деді жүргізуші.
Ішкі істер департаменті істің сотқа өтетінін мәлім етті.