СҚО-да өртенген мешіт ішіндегі Құран кітап жанбай қалған (фото)

Солтүстік Қазақстан облысында өртеген мешіттегі Құран кітабы жанбай қалды, деп хабарлайды stan.kz.

10 желтоқсан күні Мамлют аудандық мешітінде өрт шыққан. Мешіттегі өрт 100 шаршы аумақты шарпыды. Мешіттің ағаш қабырғалар мен мешіттің төбесі жанып кетті.

Өрттен көз жұмғандар мен зардап шеккендер жоқ. Өрттің шығу себебі анықталуда. Жалынды 16 адам мен 3 техникалық құрал өшірді.

Бір қызығы жалын шарпыған мешіт ішінде діни кітаптар мен Құран кітабы өртенбеген. Бұл туралы Самат Сапаралының facebook парақшасында жазды.

Мешіт қалпына келуге жарамсыз. Тұрғындар мешітті жөндеуден өткізуге кәсіпкерлер қол ұшын берсе деп отыр.