Алматыда автобус жеке үйдің қоршауын бұзып кірді

Алматыда жолаушылар автобусы жол апатына ұшырап, бір адам жарақат алды, деп хабарлайды Sputnik Қазақстан.

Олардың айтуынша, автобус Папанин көшесімен солтүстікке қарай өз жолымен жүріп бара жатқан.

Осы кезде Кожедуб көшесінде Honda Odyssey автокөлігі келе жатады. Жүргізуші «Жол бер» деген белгіні елемеген бе, әлде байқамады ма, жол қиылысында автобустың бүйірінен соққан.

Автобус жүргізушісі қатты соққыны болдырмау үшін рөлді оңға бұрып жіберіп, жеке үйдің қоршауын бұзып кірген.  

Жол апаты салдарынан Honda Odyssey көлігіндегі жолаушы зардап шеккен, ол әр түрлі жарақатпен жақын маңдағы ауруханаға жеткізілді.