Жолаушылар толы ұшақты басқарған пилот әуеде ұйықтап кеткен

Австралияда жолаушылар ұшағының ұшқышы әуеде көзі ілініп, ұйқыға кеткен. Сол себепті 46 шақырымды артық жүріп өткен, деп хабарлайды stan.kz.

Бұл  Vortex Air компаниясының Piper PA-31 Navajo ұшағында болған жағдай. Жолаушылардың бәрі аман. Ұшқыш дер кезінде оянып, әуежайға қонып үлгерді. Оқиға 8 қараша күні болғанымен, БАҚ-қа енді ғана жарияланды.

Қазір ұшқыш тексеруден өтіп жатыр. Ұшу кезінде экипажда екі адам болған.

Piper PA-31 Navajo ұшағының 1980 жылдан бері жолаушы тасымалдайды.