|
Arhıv
26.11.2018 | 11:05

Анатолий Шкарупаның орнына жаңа энергетика вице-министрі тағайындалды

Анатолий Шкарупаның орнына жаңа энергетика вице-министрі тағайындалды

Қазақстан Республикасы үкіметінің қаулысымен Есімханов Сұңғат Қуатұлы энергетика вице-министрі болып тағайындалды, деп хабарлайды Аlmaty.tv тілшісі премьер-министрдің сайтына сілтеме жасап.

Бұған дейін бұл лауазымда қызмет атқарған Анатолий Шкарупа жымқыру туралы айыптаулардан кейін, өтініш жазып, қызметінен босатылған.

Сұңғат Есімханов 1973 жылы Павлодар облысында туған. 1996 жылы Павлодар индустриалды институтын, 2007 жылы Қарағандының «Болашақ» өзекті білім беру институтын бітірген.

2014 жылдың тамыз айынан бастап қазіргі уақытқа дейін ҚР Энергетика министрлігінің Атомдық және энергетикалық қадағалау мен бақылау комитетінің төрағасы қызметін атқарды.

Бұрынғы энергетика вице-министрі Анатолий Шкарупа Қарағанды облысы Саран қаласында жылу есептеуіштерін сатып алып, орантуға бөлінген қаражатты қымқырды деген күдікпен қамауға алынған. Шкарупаны қамауға мерзімі 2019 жылдың 16 қаңтарына дейін ұзартылды.

Энергетика вице-министрі қызметін бір айдан артық уақыт қана атқарған. Ол айыпталып отырған қылмысты үш жыл бұрын Саран қаласының әкімі болғанда жасаған болуы мүмкін.