22 қыркүйек күні Ақтау ауруханасына тыныс алуы қиындаған бес жасар бала түсті.
Баланың өңешінде 100 теңгелік монета бар екені анықталды, деп жазады Sputniknews.kz ақтаулық Лада.kz-ке сілтеме жасап.
Эндоскопист дәрігер Роллан Елеусінов әріптестерімен бірге монета шығару отасын жасады.
Монета әуелі өңеште тұрған, ал ота кезінде асқазанға түскен. Хирургиялық ота 40 минутқа созылды.
Баланың жағдайы жақсарып қалғаны белгілі болды, ешқандай қауіп төніп тұрған жоқ.
Дәрігерлер ата-аналардан кішкентай балаларға мұқият болып, магнит, тиын, ине, түйреуіш және тағы басқа да ұсақ-түйек заттарды жасырып қоюды сұрайды.
