|
02.10.2018 | 11:38
1024

Қазақстанда екі әуекомпанияның қызметі тоқтатылды

Қазақстанда екі әуекомпанияның қызметі тоқтатылды

Азаматтық авиация комитеті шұғыл түрде 17 ұшақты пайдалануды және шағын авиацияның 2 әуекомпаниясының қызметін уақытша тоқтатты, деп хабарлайды Tengrinews.kz  ведомстводағылардың Facebook желісіндегі ресми парақшасына сілтема жасап. 

Баспасөз қызметі өкілдерінің мәліметінше, азаматтық авиация комитеті ҚР Бас көлік прокуратурасымен бірлесіп, шағын авиациядағы ұшу қауіпсіздігін қамтамасыз ету деңгейін көтеру жұмыстарын жүргізіп жатыр. Сонымен, 1 қазанда өткен ұшу қауіпсіздігін қамтамасыз ету шараларын күшейту мәселелері бойынша бірлескен кеңес отырысында 17 ұшақты (14 Ан-2 және 3 Tecnam) пайдалану және «Азия Континенталь Авиалайнс» пен «КАЗАВИА» Тәуелсіз әуе компаниясы» ЖШС-нің авиациялық жұмыстарды атқару куәлігін пайдалануға шектеу қойылды.

«Сондай-ақ, ҚР Әкімшілік кодексінің бірінші бөлімінің 570-бабы бойынша авиациялық қауіпсіздік талаптарын бұзғаны үшін пайдаланушы лауазымды тұлға әкімшілік жауапкершілікке тартылды. Бұдан бөлек, ұшу және техникалық жұмыстарды сапасыз ұйымдастырғаны үшін әуе компанияның 16 лауазымды тұлғасына тәртіптік шара қабылданды. ҚР ИДМ Азаматтық авиация комитеті ұшу қауіпсіздігін бұзуға төзбеу қағидасы бойынша ұшу қауіпсіздігін арттыру жұмыстарын жалғастырып жатырмыз», - деп хабарлады ведомстводағылар.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир