Атырау-Орал тасжолында бір отбасы түгел қаза болды

Атырау-Орал трассасында жол апатынан бір отбасы ажал құшты, деп жазды Ақ Жайық.

7 желтоқсанда кешке Атырау облысының Махамбет ауданындағы Жалғансай ауылы тұсында «ВАЗ21104» көлігі қарсы бетке шығып кетіп, ауыр жүк көлігіне (фура) соққан.

Оқиға салдарынан ВАЗ-дың 1974 жылғы жүргізушісі мен оның әйелі және 15 жастағы қызы қаза болды.

Сол күні түнде Атырау-Индер трассасының Индер ауданы Құрылыс ауылы тұсында 52 жастағы ер адамды КамАЗ автокөлігі қағып, жүргінші оқиға орнында қайтыс болды.

Екі оқиға бойынша сараптама тағайындалып, сотқа дейінгі тергеп тексеру амалдары жүріп жатыр.