Бес метрлік шырша кішкентай баланың үстіне құлап кетті – қорқынышты видео

Жантүршігерлік оқиғаға куә болған тұрғындар балаға көмектесуге жүгіріп барған

Өзбекстанда бес метрлік жаңажылдық шырша кішкентай баланы басып қалды,  деп жазды Sputnik.

Видеода жаңажылдық шыршаның жанында бірнеше бала жүгіріп ойнап жүргені көрінеді.

Бір кезде балалардың бірі шыршаның әшекейін алмақшы болады. Гирлянданы тартып қалғанда, алып шырша оның үстіне құлап кетеді.

Жаңажылдық шырша баланы толығымен жауып қалды. Жантүршігерлік оқиғаға куә болған Өзбекстан тұрғындары дереу балаға жүгіріп барып, оны шығарып алған. Абырой болғанда бала ауыр жарақат алмаған.