Түркістан облысында дүкеннен балмұздақ жеген ару түрмеге түсуі мүмкін

Ақмола облысының тұрғыны балмұздақ жеймін деп түрмеге түсе жаздады. Оқиға Түркістан облысының Сарыағаш ауданында орын алған. Бойжеткен түн уақытында дүкенге ұрлыққа түсіп, 15 мың теңгенің балмұздағын жеп қойған, деп хабарлайды Sputnik.

Дүкен иесі тәртіп сақшыларына бірден арыз жазып, олар Ақмола облысының тумасын ұстапты. Бойжеткен өзінің балмұздақ үшін ұрлыққа түскенін жасырмаған.

Балмұздақ жеймін деп шалыс басқан ару енді түрмеге тоғытылуы мүмкін. Десе де, мамандар егер дүкен иесімен келісімге келсе, іс насырға шаппауы мүмкін дейді.