Денис Тенді өлтіргендерді жақтаған мұғалімнің ісі сотқа жетті

Ұлтаралық араздықты өршітті деп айыпталған бұрынғы мұғалім Шерхан Байзеновке қатысты материалдар сотқа келіп түсті. Оралдағы жергілікті сотта өтетін алдын-ала тыңдалымның күні белгілі болды, деп хабарлайды kyn.kz.

Аудандық білім бөлімінің мәліметінше, Байзенов қорғаушы жалдап, өзін ақтап алуға тырысуда.

Тергеу барысы аяқталғанша, Шерхан Байзеновті мектептегі жұмысынан уақытша шеттеткен болатын.

Еске салсақ, Батыс Қазақстан облысындағы Белес ауылында тұратын ұстаз әлеуметтік желіде жазба қалдырып, танымал сапортшы Денис Тенді өлтірген қылмыскерлерді жақтаған болатын.