Әйелді улы жыландармен қорқытып, зорлап тастаған ер адам аяқ астынан қайтыс болды

Қытайда ер адам әйелді улы жыландармен қорқытып, зорлап тастаған. Мұнан кейін өзін жылан шағып алып, қайтыс болып кетіпті. Бұл туралы The Mirror басылымына сілтеме жасап Stan.kz хабарлады.

Оқиға Фучжоу қаласында болған. Полицияға шағымданған әйел ер адамның өзін мейманхананың бөлмесіне алдап кіргізіп, үш улы жыланды көрсетіп қорқытып, зорлап тастағанын айтқан.

Мұнан кейін әйел полицейлерге шағымдануға кеткен. Ал ер адам жуынатын бөлмеге кіріп алып, жыландармен ойнапты.

Артынша меймахнаға келген полицейлер ер адамның төсекте өліп жатқанын көрген. Оның денесінен жылан шаққан із анықталды. Ер адам жедел жәрдемге қоңырау шалмаған.

Белгілі болғандай, улы жыландардың бірі бөлмеден шығып кеткен. Полицейлерге оны іздеуге тура келді. Жыландардың ішінде оңтүстік қытайлық көп жолақты крайт жыланы болған. Оның уы адам өмірі үшін өте қауіпті.

Полицейлер әйелдің зорлануына қатысты іс қозғады. Тергеу кезінде мейманхана жабық болады.