Павлодар облысында мектеп отқа оранды

Павлодар облысындағы Ертіс ауылындағы мектепте өрт болды, деп хабарлайды Tengrinews.kz.

Оқиға 21 қыркүйекте сағат 11.30-да орын алған. №3 екі қабатты мектептің техперсоналға арналған бөлігінде тұрмыстық заттар өртеніп, аумағы 25 шаршы метрге жайылған.

«230 адам эвакуцияланды, олардың арасында 217 бала бар. Өрт сағат 11.40-та ауыздықталып, 12.20-да толықтай сөндірілді. Қаза тапқандар мен зардап шеккендер жоқ», - деп хабарлады ТЖК мамандары.
Өртті ауыздықтауға жеті құтқарушы мен бір техника жұмылдырылды.