Алматыда Шәкәрім Құдайбердіұлының 160 жылдығы аталып өтті

Бүгін «Крылов» атындағы балалар кітапханасында Шәкәрім  Құдайбердіұлының 160 жылдығы аталып өтті.

Кешке арнайы келген қонақтар белгілі қазақ ойшылының ең үздік туындыларын тыңдау мүмкіндігіне ие болды. Ақынның құрметіне арналған мәдени кешті Алматы оқушылары ұйымдастырған. Кешке келген қонақтар қатарында еліміздің құрметті мәдениет қайраткерлері, актер-әншілер мен филологтар болды.  

«Бүгін менің сыныптастарыммен шағын концерт дайындап қойдық, дәлірек айтқанда, Шәкәрім Құдайбердіұлының өлеңдерін оқып шығамыз және оның әндерін айтамыз. Мен үшін Шәкәрім Құдайбердіұлы – ұлы ақын, себебі, ол қазақтардың көзін ашқысы келді, халыққа тәлім беріп, шынайы өлеңдер жазды», – дейді Ақниет Қажымұрат.