Алматыда бүгін жылдың үздік әншісі таңдалады

Бүгін «Алматы Арена» кешенінде қазақстандықтар «Жыл таңдауын» жасайды.

Осымен үшінші жыл қатарынан өткізіліп отырған кеште 60-тан астам отандық эстрада әншісі өнер көрсетеді.

Ұлттық музыкалық жүлдесіне дауыс беру аяқталды. Осыған дейін Hitparad.kz порталында тыңдармандар өз таңдауларын жасады. Дәл қазір «Алматы Аренада» шараға дайындық жұмыстары жүріп жатыр.

«55-ке жуық ән шырқалды. 20 номинация болды.Олардың қандай ән екенін бәрі білетін шығар. Сол 20 әннің 16-сы бүгін осы жерде шырқалады. Ал қалғаны өкінішке қарай келе алмайды. Көп әртістер қоңырау шалып жатыр. Астанадан ұшып келе алмай жатқандары да бар», – деді  «Жыл таңдауы» ән байқауының продюсері Жан МҰҚАНОВ.