Қырғызстанның Қазақстандағы елшісі тағайындалды

Жээнбек Кулубаев Қырғызстанның Қазақстандағы елшісі болып тағайындалды, деп хабарлайды Tengrinews.kz Қырғызстан президентінің баспасөз қызметіне сілтеме жасап.

Президенттің баспасөз қызметінің мәліметінше, мемлекет басшысы Сооронбай Жээнбеков Жээнбек Кулубаевты Қырғызстанның Қазақстандағы елшісі етіп тағайындады.

Жээнбек Кулубаев осыған дейін Қырғызстанның Малайзиядағы және Қытайдағы елшісі қызметтерін атқарған, сондай-ақ, Қырғызстанның сыртқы істер министрінің орынбасары болған.