Алматыда 14 қабатты үйдің шатыры өртенді, деп хабарлайды ҚазАқпарат.
Қалалық ТЖД баспасөз хатшысы Сандуғаш Баймұхамбетованың айтуынша, 12:56-те өрт туралы хабарлама келіп түскен. Кезекші пультіне Әуезов ауданы Науаи көшесі, 68 мекен-жайындағы 14 қабатты ғимараттың шатырынан түтін шығып жатқаны туралы хабарлама келген.
Өрт сөндірушілер оқиға орнына 5 минутта жетті.
Олар барғанда желдету жүйесінің жылыту материалдары отқа орана бастаған. Өрт күндізгі 13:11-де ауыздықталды. Тілсіз жау 15 шаршы метр аумақты шарпыған.
Өртенген үйден 73 адам, оның ішінде, 7 бала қауіпсіз жерге көшірілді.
