Отандасымыздың еңбегі еленді. Қазақстандық актриса Самал Еслямова басты рөлінде ойнаған «Айка» фильмі Германияда өткен халықаралық кинофестивальде Гран-приге ие болды.
Дүбірлі додаға 40 елден 190 фильм сынға түсіпті. Байқауда топ жарған «Айка» бас жүлдемен қоса, қазылардың арнайы жүлдесін де қанжығаға байлады.
Айта кетерлігі, аталған туынды жергілікті көрермендердің үлкен бағасына ие болды. Еңбек мигрантының өмірі мен оның Мәскеуде көрген қиыншылықтары туралы фильмнің басты рөліндегі Самалдың актерлік шебірлігіне көпшілік таңдай қаққан еді. Бұған дейін актриса Еслямова Канн фестивалінде «Үздік актриса» атанған болатын.
Сурет: КирТАГ
