Бала күтуші екі айлық сәбиді өлтіріп, мүрдесін қалада алып жүріп, тамақтануға барған

АҚШ-тың Висконсин штатында бала күтуші екі айлық баланы өлтіріп, артынша оны ата-анасына қайтарып, ұйықтап жатқанын айтқан.

28 жастағы Марисса Титсорт өлі балаға комбинезон кигізіп, автокреслоға отырғызып, осы күйінде ата-анасына тапсырған. Артынша сараптама баланың бірнеше сағат бұрын басына тиген қатты заттың салдарынан көз жұмғанын анықтады, деп хабарлайды The Sun басылымына сілтеме жасап Stan.kz.

Бұл кезде бала күтушінің өзі алтыншы сәбиіне жүкті болған. Ол бұған дейін балаларға қатігездікпен қарады деп айыпталыпты.

Қайтыс болған сәбидің анасы Меган Орйс оны алып кетуге келгенде, бастапқыда ештеңеден күдіктенбеген. Арада біраз уақыт өткеннен кейін ғана ол сәбиінің тыныс алмай жатқанын, ал денесінің суық екенін байқапты. Бұдан кейін Марисса баланың өлі екенін білгенін, алайда өзі өлтірмегенін айтып ақталыпты.

Бала күтуші тіпті, сәбиді құтқаруға тырыспаған. Ол сәбидің анасы келгенше оның мүрдесімен бірне Макдоналдсқа барып, тамақтанып үлгерген. Бұл кезде Меганның үлкен ұлы да онымен бірге болыпты.