Анасына ерген қонжық құздан құлай жаздады. Әлеуметтік желіде тараған мына бейнежазба желі қолданушыларын тәнті етті.
Ұрғашы аю мен қонжығы қар жамылған биік құздың басына өрмелеп барады. Ересек аңға бұл ешқандай қиындық туғызбаса, қонжық анасына жету үшін біраз әуреге түседі. Ол бірнеше рет анасының жолымен өрмелемекші болады, алайда, кенет төмен сырғи жөнеледі, тіпті тастарға соғылып, ауыр жарақат алып қала жаздаған. Соған қарамастан кішкентай жыртқыш берілмей, қайта жоғары өрмелеп, анасымен қауышады. Желіде түрлі пікірлер жазылып, бейнені жүз мыңдаған адам қарап үлгерген.
