Бүгін Алматы әуежайына ІІІ Пара Азия ойындарына қатысқан қазақстандық воллейбол құрамасы ұшып келді. Спортшыларды жанкүйерлері мен отбасы үлкен құрметпен күтіп алды. Индонезияда өткен жарыста ел спортшылары 33 медаль иеленіп, рекордтық көрсеткішке қол жеткізген болатын. Ал воллейболшылар қола жүлдені қанжығаға байлады.
«2002 жылы Пусанда өткен жарыста күміс алған едік. 16 жылдан кейін жігіттер қола жүлде алып жатыр, өте қуаныштымыз. Командам 1 жыл үйлерін көрместен, мықты дайындалды. Барған 9 спорттың ішінен жалғыз топтық ойын түрі болса да, қола жүлдеге ие болды», – деді волейболдан ұлттық құраманың аға жаттықтырушысы Бауыржан ТАХАУОВ.
