|
02.03.2018 | 09:53
2479

Паралимпиада ойындарында еліміздің намысын 6 спортшы қорғайды

Паралимпиада ойындарында еліміздің намысын 6 спортшы қорғайды

Пхенчханда өтетін Қысқы Паралимпиада ойындарында еліміздің намысын 6 спортшы қорғайды. Арасында бір спортшы гид бар. Жарыс наурыздың тоғызында басталып, он сегізінде аяқталады. Мүмкіндігі шектеулі спортшылар арасындағы жаһандық додада жерлестеріміз шаңғы жарысы және биатлон сынды спорттың 2 түрінен сынға түседі. Атлеттер сайысқа тыңғылықты дайындалған. Оқу-жаттығу жиыны Германияда екі рет, ал бір кезеңі Ресейде өткен. Оған қоса, техникалық база мен жабдықтар толық жаңартылған.

«Қазіргі Паралимпиада ойындары маған кәдімгі күш-қуат беретін сияқты. Өйткені, мен өзім сеземін. Сезгенде мен түсімде де көрдім. Мен алтын медаль алыппын түсімде. Енді сол түсім болса жақсы болатын еді. Негізі менің мақсатым - Паралимпиада ойындарының чемпионы болу. Өйткені Ғабидуллина Зульфияға қарап отырып, мен көп нәрсені түсіндім», - деді ҚР Ұлттық Паралимпиада құрамасының мүшесі Жаңыл БАЛТАБАЕВА.

Пхенчханда өтетін қысқы Паралимпиада ойындарында 6 спорттың түрінен 80 медаль жиынтығы сарапқа салынады. Айта кетерлігі, Пхенчхандағы Паралимпиада ойындарында жеңімпаз немесе жүлдегер атанған спортшыларға берілетін сыйақы көлемі Олимпиада ойындары жеңімпаздарымен теңестірілген болатын.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир