Алматы хайуанаттар бағында жаңа директор тағайындалды

Алматы хайуанаттар бағында жаңа директор тағайындалды. Бақты енді Ержан Еркінбаев басқаратын болады. Бұған дейін Ержан Еркінбаев «Шымбұлақ» шаңғы курорты мен «Медеу» спорт кешенін басқарған. Атап өтерлігі, ол жетекшілік еткен жылдары кешенге қызығушылық танытушылар артып, табыс та көбейген. Ержан Еркінбаев қалаға маңыздылығы ерекше бірнеше ірі жобаларды іске асырған. Соның ішінде қалада отель ашылуына ықпалдасқан. Сондай-ақ, отандық туризмді дамытуға байланысты Берлин, Лондон және Мадридте ұйымдастырылған көрмелерге қатысқан.