Алматыда қала күніне орай «Star of Asia» музыкалық фестивалі өтеді

Алматыда қала күніне орай биыл алғаш рет «Star of Asia» музыкалық фестивалі өтеді. Халықаралық шара 19-20 тамыз аралығында «Медеу» мұз айдынында ұйымдастырылмақ. Оған Түркия, Жапония, Қытай сынды елдердің майталмандары қатысады. Сондай-ақ еліміздің эстрада жұлдыздары өнер көрсетеді. «Star of Asia» музыкалық фестивалі «Азия дауысы» байқауының заңды жалғасы іспеттес. Думанды шараға арналған билеттер сатылымға шықты. Билеттерді «Kassir.kz» cайтынан, «Меломан» желісі мен Республика сарайының кассаларынан алуға болады.