Алматыда лифт шығаратын зауыт ашылды

07.09.2016 15:27


Қала күні қарсаңында Алматы қаласының әкімі жаңартылған лифт шығару зауытын ашты. Индустриализация картасы бойынша ашылған кезекті нысан Қазақстандағы бірегей зауыттардың бірі. Бұл өндіріс орнының жоспарлары орасан. Ел нарығындағы тұтынушылықты 60 пайызға дейін арттырмақ ниетте. 

«Алматылифт» жауапкершілігі шектеулі серіктестігі Индустрализация картасы бойынша жұмысын бастаған он алтыншы өндіріс орны. Алматылық өнім қазіргі таңда отандық компаниялар арасындағы бірегейі. Өндірісте қолданылатын шикізаттың  60 пайызы отандық өнімдер. Қазір Алматыда Қытай, Ресей мен Белоруссия лифттері пайдаланылып келеді. Ал 300 миллион теңге қаржыға жаңартылған зауыт Қазақстан нарығының 60 пайызын қамтуды жоспарлап отыр. 

Жылына 1000 лифт шығаратын зауыт, модернизацияның арқасында өнім санын арттыруды көздеп отыр. Ол үшін қажетті жұмыс күші де тартылған. Қазір «Алматызауытта» 50 адам жұмыс жасайды. 



"Зауыттағы құрылғылардың барлығы жаңартылған. Жұмысшылар саны елуге жуық. Олардың барлығы дерлік шетелде білім шыңдап келді. Бізде лифттің барлық түрі өндіріледі, кез келген сала біздің басты назарымызда",- деді  «АЛМАТЫЛИФТ» ЖШС Директорының орынбасары, Максим ТЕЛИЦКИЙ.   

1974 жылы құрылған кәсіпорын Қазақстан нарығында 40 жылдан бері жұмыс істеп келеді. Бүгінде қала бойынша бес жарым мыңдай лифт жұмыс істеп тұр. Кәсіпорын өз өнімдерімен Алматы қаласын ғана емес, бүкіл Қазақстанды қамтамасыз етуді көздеуде. 

Азамат Әуезхан, Нұрбол Қызықбаев, «Алматы» телеарнасы
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
"Дәмді Алматы" отбасылық ас фестивалі өтеді