Алматыда Сүйінбай мен Райымбек даңғылы қиылысында жол қозғалысының жаңа сызбасы еңгізілді

Алматыда Сүйінбай мен Райымбек даңғылы қиылысында жол қозғалысының жаңа сызбасы еңгізілді. Өйткені, аталған аумақта кептеліс көп және көлік апаттары жиі тіркеледі. Өзгеріске сай, көлік қозғалысы Райымбек даңғылы бойынша шығыс бағыттағы бағдаршамнан жолайрығының тоннелді бөлігіне ауыстырылады. Райымбек даңғылының оңтүстік бағытындағы Пушкин көшесінен Есенов көшесінің қиылысына дейінгі аумақта «қоғамдық көліктен» басқа тура жүретін барлық көліктердің қозғалысы жабылады. Бұлардан өзге, сызбаның өзгеруіне орай әрі сол жақ айналымға тыйым салынудың арқасында, аталған аумақтағы бағдаршамның жұмысы да жеңілдейді.