Алматыда түнде қала кезген балалар үшін ата-аналары жауапқа тартылуда

Алматыда түнде қала кезген балалар үшін ата-аналары жауапқа тартылып жатыр. Қала полицейлері небәрі 2 күнде түнгі ойын клубтарына құныққан 200-ден аса жеткіншекті анықтапты. Сөйтіп, 130-ға жетеғабыл баланың ата-анасына ауызша ескерту, енді біріне айыппұл салынған. Ал, 10 ата-анының ісі - сотқа жолданды. Олар өз балаларына жөнді қарамады деп айыпталып отыр. Одан бөлек, 5 бірдей түнгі компьютер клубтарының иелеріне де шара қолданылмақ. Оларды жауапкершілікке тарту үшін барлық іс сотқа жіберілген.