Алматыдағы екінші жылу электр стансасы алдағы уақытта газға көше алмайды

¤Алматыдағы екінші жылу электр стансасы алдағы 5 жылда газға көше алмайды. Өйткені, әу баста орнатылған қазандықтар көмірмен ғана жұмыс істейді екен. Алматының 70 пайызын жылу және ыстық сумен қамтамасыз етіп тұрған нысан қысқа толыққанды дайын. Жылуды келер аптадан бастап таратады. Қазандықтар жыл сайын жаңартылып тұрады.

«Өтен жылы бірқатар жұмыс атқарылды. Ал биыл Алматы электр стансаларының жөндеу жұмыстарына 4 миллиард теңге жұмсалды. Газ, көмір және мазут отындарын жеткізуге келісімшарт жасалды. Орталықта қосымша 270 мың тонна көмір, 26 мың тонна артығымен мазут бар», - деді «Алматы электр станциялары» АҚ басқарма төрағасы Нұрлан МҰХАМЕД-РАХИМОВ.