Алматының «Жас-Қанат» ықшамауданында биыл 47 көпқабатты үй тұрғызылады

Алматының «Жас-Қанат» ықшамауданында биыл 47 көпқабатты үй тұрғызылады. Жаңа пәтерге шамамен 2 мыңға жуық отбасы қол жеткізеді. Бұл туралы аудан әкімі Павел Кулагин халықпен кездесуінде мәлімдеді. Сондай-ақ жиында тұрғындар аудандағы аулалардың қашан жаңаратынын сұрады. Жарықтандыру мәселесі де сөз болды.

«Ауданда өткен жылы 80 аула жаңартылды. Оның құны 920 миллион теңге. Осы жылдың соңына дейін 50 аулаға жөндеу жұмыстары жүргізіледі. Сонымен қатар, 52 аула мен 28 көшенің жарықтандыруы бойынша, жобалық-сметалық құжаттар дайындалып жатыр», - деді  Алматы қаласы Түрксіб ауданының әкімі Павел КУЛАГИН.